Dette er den første samla framstilling av fotografiets historie i Noreg, frå daguerreotypiet på 1840-talet til dagens digitale teknologi. Boka følgjer utviklinga både når det gjeld teknikk og ulike sjangrar: frå portrett-, landskaps- og dokumentarisk fotografi på 1800-talet til reportasjefotografi, familiefotografi og kunstfotografi på 1900-talet. Forfattarane skildrar korleis fotografiet i løpet av denne perioden har fått ein stadig større plass både i det offentlege og det private rommet. I framstillinga blir fotografiet diskutert ut frå eit dobbelt perspektiv - ikkje berre som estetisk objekt, men også ut frå dei sosiale funksjonane det har hatt opp igjennom tidene. Boka er gjennomillustrert i fargar og vender seg til kunsthistoriestudentar og det fotointeresserte publikum. Peter Larsen er professor i medievitskap ved Universitetet i Bergen. Sigrid Lien er førsteamanuensis i kunsthistorie ved Universitetet i Bergen. Levert av © DnBB AS

Boka gir ei samla oversikt over norsk fotografihistorie, frå dei første fotografane på 1800- talet, via etableringa av ein kunstfotografisk praksis rundt 1900, og fram til dagens digitale teknologi. Boka tar for seg teknikk- og sjangerutvikling, og viser korleis fotografiet har fått ein naturleg plass i det offentlege og private rom. Fotografiet blir analysert både som estetisk objekt og ut i frå sosial funksjon. Boka vender seg til kunsthistoriestudentar, mediefagstudentar, og fotointeresserte generelt.