O
– Dette er ei lettlest og artig bok, som set søkelyset på fedre som tek vare på ungane sine. For oss menneske, i alle fall for dei fleste, er dette heilt naturleg. Slik er det ikkje elles i naturen, og det er interessant å få eit innblikk i korleis farsrolla vert kledd på ulikt vis. For meg som far er dette ei ekstra interessant bok, for eg veit kor viktig eg er for barna mine. Eg vil jo gjerne gje dei det beste. Men korleis tenkjer fedre i andre artar? Og så lærer eg ein del overraskande ting, for eksempel at det er beverane som har eit familieliv som liknar mest på menneska! Ei interessant og artig bok.