– Boka handlar om Oscar. Pappaen til Oscar er engel, og er i lag med Oscar kvar gong han treng hjelp. Men det er ikkje alt ein usynleg engle-pappa kan gjere. Kva med å stå i mål når ein spelar fotball? Og kva om mamma også døyr - kva skal det då bli av Oscar. Denne barneboka eignar seg nok best dersom ein vaksen les den for barnet, og barn som sjølv har opplevd å miste nokon kan nok få sett ord på ein del viktige spørsmål. Sjølv om boka handlar mest om død og sakn handlar den og om andre ting Oscar er opptatt av. Dei enkle illustrasjonane i grått og brunt understrekar den melankolske tonen i boka.