Etiske møte og problemstillingar - Løgstrup for barnehagelærarar presenterer utfordringar barnehagelæraren møter i arbeid med barn, foreldre og kollegaer i ein kompleks og samansett kvardag. Barnet, i skjeringspunktet mellom sårbart og kompetent, er eit gjennomgåande tema i alle kapitla. Eit anna gjennomgåande tema er at vi ikkje kan ha med andre menneske å gjere utan å halde noko av deira liv i våre hender.

Målgruppa er barnehagelærarstudentar og barnehagelærarar. Boka er òg relevant for spesialpedagogar, lærarar og andre som dagleg møter barn og foreldre.

Forfattaren er utdanna barnehagelærar med etterutdanning i spesialpedagogikk og mastergrad i pedagogikk. Ho har lang erfaring som barnehagelærar og pedagogisk leiar. I dag arbeidar ho som spesialpedagog i barnehage og som forfattar.