– "Susannahs sang" held fram der "Ulvene" ender. Revolvermennene og ka-tet vert splitta opp da gravide Susannah blir kidnappa av demonen Mia, som drar tilbake til New York i 1999 for å føde og oppdra "krabaten". Roland, Eddie, Jake og Callahan si oppgåve blir då å verne om ei raud rose i New York, samtidig som dei må finne det mørke tårn før alle verdene kollapsar. I tillegg må ka-tet overtyde ein forfattar til å fortsetje med skrivinga av denne historia, ellers sluttar dei å eksistere. Bok nr. 6 verkar som eit mellomspel i den eigentlige handlinga, nett slik som førre bok "Ulvene". Dei markerer eit klårt skilje frå dei fyrste fire bøkene. Eg føler at King har gått utanom strålen sin veg. Det tar nesten halve boka før eg er fortroleg med språket og handlinga. Scenene mellom Mia og Susannah blir for gjentakande og keisam. Og så må forfattaren sjølv skrive seg inn i forteljinga. Det er mogeleg at han prøver på å knytte saman bibliografi og biografi med universet generelt, men det ender opp med ein pinleg sirkelargumentasjon. Likevel så må du, som ein "constant reader", lese den som opptakt til siste del av eposet om "det mørke tårn".