– I denne boka analyserer Whannel representasjonar av sports-stjerner for å forstå korleis idear om moralitet og maskulinitet oppstår. Ein gjennomgang av kjente sports-profilar frå før første verdenskrig og fram til i dag syner korleis media skapar eit bilete av idrettsstejerner som igjen er med på å skape og støtte idear i samfunnet om maskulinitet og moralitet. Eksempla er stort sett henta frå Storbritannia of USA, men fleire av dei er nok kjente her i Norge. Uansett vil ein lett kunne kjenne igjen den media-praksisen Whannel skisserer med den måten norske medier behandler våre heimlege stjerner på. Boka er på den måten svært god då den på ein fin måte viser kva rolle media spelar for sosiale diskursar. Den aukande kommersialiseringa av sport og den tiltakande intensiteten i medias interesse for profilar innan idrett er eit huvudanliggande hjå Whannel. Han viser at sport har gått frå å handle om prestasjon til å bli eit produkt avhengig av presentasjon. For øvrig eit lite hyggelig bilete for dei som elskar sport. Boka er lettlest og absolutt å anbefale om tema idrett og media er interessante.