– Innan GT-forskinga har det gjennom dei siste tiåra vore ein rivande utvikling. Medan den historisk-kritiske metode tidlegare var einerådande, har denne i seinare tid møtt krass kritikk frå Københavnarskulen. Denne skulen inntek ein særs skeptisk haldning til Bibelen som historisk kjeldemateriale, og vil mellom anna hevda at det ikkje er grunn til å tala om eit samla monarki i Israel under David og Salomo. I denne boka tek Jens Bruun Kofoed eit oppgjer med denne retninga, og syner at det på ingen måte er slik at ein må sjå vekk frå Bibelen som historisk kjelde til tida under David og Salomo sitt kongedømme. Hans verk gjev derimot mange sterke argument for at me framleis må sjå på den bibelske teksten som ei kjelde til Israels historie. Han unngår ikkje argumenta som hans motstandarar har, men imøtegår dei og gjev gode svar. Viss du er engasjert i debatten kring Israels historie vil eg oppmoda deg til å lesa denne boka!