c
– Skal du studera nytestamentlig gresk grammatikk? Anten på studie eller på fritida? Då er Sandvei sin omarbeiding av Leivestad sin grammatikk boka du må få tak i. Gjennom mi studietid er det få bøker eg har nytta så mykje som denne grammatikken. For det fyrste må det nemnast at den er særs oversiktleg. Her er det lett å finna fram til den paragrafen ein vil studera, og under dei ulike paragrafane er hovudpunkta lett forklart. I tillegg kjem Sandvei med ei lang rekkje tillegskommentarar for den som vil ha ein djupare innsikt i det greske språket. Så viss du skal studera nytestamentleg gresk og ikkje har denne boka er det berre å få tak i den raskast mogleg!