Rine og Ravi i kunsttrøbbel!

Rine og Ravi vil lage noko fint i kunst og handverk-timen. Men Lærar-Knut har som vanleg andre planar. Han vil heller at dei skal ha kunst og hærverk. Kunst skal vere stygg, folk skal seie huff!, meiner han. Men kva skjer når Gymlærar Gyda ser at Lærar-Knut og elevane rablar og teiknar på bilen hennar?

Kunst og hærverk er ein del av Samlagets Leseland for barn som lærer å lese. Dette er gode historier med enkel tekst og sjarmerande illustrasjonar, skapte for å stimulere og inspirere ferske lesarar.

Vegard Markhus (1983) er forfattar, illustratør og lærar. Han er oppvaksen i Norheimsund, men bur og arbeider i Bergen. Han har gitt ut fleire bildebøker, og i 2010 fekk han Nynorsk barnelitteraturpris.