O
– Boka "Ny melding" handlar om ei ung jente som tilsynelatande har rømt heimefrå, men er forsvinninga så frivillig som ho vil ha det til? Og veit ho eigentleg kva ho har gitt seg ut på? Boka er spennande, og er ei krimbok som riv deg med i handlinga. Forfattaren har gitt moderne teknologi, som mobiltelefonen, ei sentral plass i historia. Samtidig som dette er god krim, er det også ei bok som tek for seg problematikk knytt til vårt mediesamfunn. Kan ein stole på menneske ein møter på nettet? Er alle slik dei gir seg ut for å vere? Boka kan skape ettertanke hos ungdom, og viser kva som kan skje viss ein er for naiv i sitt møte med den vaksne verda.