I
– Bøkene om Bø og Bæ er favorittar her i huset - og særleg denne. Toåringen kan boka omtrent utenat, men storkosar seg framleis når Bæ ploppar i vatnet, når dei oppdagar all mauren eller når dei brått står midt i ei kjempestor blåbærtue. Alt dette er ting han kjenner frå sin eigen kvardag - maur som klør på beina, hoppet over bekken som vart for kort og den deilige smaken av søte bær. Teksten er veldig konsis og kortfatta - heilt på barna sine premiss. Illustrasjonane er enkle utan å bli kjedelege, og dei er veldig uttrykksfulle. Poden her har i alle fall trykt Bø og Bæ til sitt bryst, og at teksten er på nynorsk er på ingen måte noko minus.